Համաշխարհային «Լակտալիս» ընկերության «Սելիա» մանկական սննդի ճյուղն այսուհետ Հայաստանում կներկայացնի «Վիկտորիա Քոնսալթինգը»

«Lactalis» կաթնամթերք արտադրող ընկերության «Celia» բրենդն այսուհետ Հայաստանում կներկայացնի «Vitoria Consulting» ընկերությունը: Այս կապակցությամբ «Վիկտորիա Քոնսալթինգ» ընկերությունը Էլիտ Պլազա հյուրանոցի կոնֆերանս դահլիճում կազմակերպել էր «Celia» բրենդի շնորհանդեսը Հայաստանում:

«Lactalis» կաթնամթերք արտադրող ընկերության 7 «Celia» բրենդի մասին ավելի մանրամասն մեզ հետ զրույցում ներկայացրեց Վիկտորիա Քոնսալթինգ ընկերության մենեջեր Միքայել Յոլչյանը:

–   Միքայել, մանրամասնեք, խնդրե՛մ, այսօրվա միջոցառման առիթի ու նպատակի մասին:

–   Կաթնարտադրող ընկերությունների շարքում առաջատար «Լակտալիս» ընկերության հետ համատեղ այսօր ներկայացրեցինք «Սելիա» բրենդը Հայաստանում: Հիմնականում ներկայացվել են կաթնային խառնուրդներ, որոնք արդեն լայն կիրառություն ունեն ամբողջ աշխարհում: Ներկայացվեց նաև եզակի կոկտեյլ՝ կերակրող մայրերի և հղիների համար: Այն կանանց համար նախատեսված բալանսավորված վիտամինային կոմպլեքս է կոկտեյլի տեսքով: Ուշագրավ են նաև բուժիչ, հակափսխումային, բիֆիդո և լակտոբակտերիա պարունակող տարբեր տեսակի կաթնային խառնուրդները: «Սելիա» բրենդն այսուհետև Հայաստանում պաշտոնապես կներկայացնի «Վիկտորիա Քոնսալթինգ»-ը: Այս առիթով Հայաստանում է Լակտալիս ընկերության բժշկական գծով տնօրեն Քեթրին Ֆրեզանը, ով միաժամանակ «Սելիա» բրենդի հիմնադիրն է: Բիոտեխնոլոգիական մշակումները նրա անհատական ներդրումն են «Լակտալիս» ընկերությունում:

Մեր մի քանի հարցերին պատասխանեց Լակտալիս ընկերության բժշկական տնօրեն Քեթրին ֆրեզանը:

–   Ողջունում ենք Ձեզ Հայաստանում: Առաջնահերթ խոսենք Ձեր այցի առիթի մասին…

–   Շնորհակալ եմ, այսօր մենք Հայաստանում կերկայացնում ենք ամբողջ աշխարհում հայտնի «Լակտալիս» ընկերության «Սելիա» բրենդը Հայաստանում: Սելիա ապրանքանիշի ներկայացվածությունը Հայաստանում ապահովելու է «Վիկտորիա Քոնսալթինգ» ընկերությունը, որը համաշխարհային ապրանքանիշերի հետ աշխատանքի բավականաչափ փորձ ունի:

–   Ի՞նչ դեր ունի «Սելիա» բրենդը Լակտալիս ընկերության կազմում:

–   «Սելիա»-ն Լակտալիս ընկերության միջազգային բրենդն է, որն ապահովում է մանկական սննդի համար նախատեսվող բոլոր անհրաժեշտ ապրանքները: «Սելիա»-ի կաթնային խառնուրդն ամենամոտն է մայրական կաթին: Լակտալիս ընկերությունը չի քարոզում մայրական կաթի փոխարինումը կաթնային խառնուրդներով, հակառակը` ընկերություն առաջարկում է մայրական կաթի բաղադրությանն ամենամոտ խառնուրդը այն դեպքերի համար, երբ փոքրիկը հրաժարվում է մայրական կաթից կամ այն պարզապես բացակայում է:

Կրծքով կերակրելը ոսկե չափանիշ է երեխաներին կերակրելու գործընթացում: Լակտալիս ընկերությունը կատարում է ոչ կլինիկական հետազոտություններ, պարզելու համար, թե ինչ մեխանիզմով է կրծքի կաթը կարողանում բարձրացնել իմունիտետը, նվազեցնել վարակների հավանականությունը երեխայի օրգանիզմում: Դա օգնում է մեզ ստանալ այնպիսի արտադրանք, որը և՛ օգտակար է, և՛ անվտանգ՝ միաժամանակ: Եթե կարիքը կա անցնելու արհեստական սնուցման, ապա այդ սնունդը պետք է մաքսիմալ մոտ լինի մայրական կաթի բաղադրությանն ու առանձնահատկություններին:

 
«Սելիա» ապրանքանիշը մեզ ներկայացրեց նաև Լակտալիս ընկերության Կովկասի ներկայացուցչությունների մարքեթինգային մենեջեր Ալեքսանդրը.

«Սելիան մանկական սննդի ճյուղ է, որը յուրահատուկ բաղադրության շնորհիվ աշխարհում ամենալայն կիրառվողներից է: Ընկերությունն արտադրում է ո՛չ միայն կաթ և կաթնային խառնուրդներ, այլ նաև բժշկական նյութեր հատուկ դեպքերի համար, երբ, օրինակ, երեխան ունի փորկապություն, ալերգիա և այլն: Կան բարձր տեխնոլոգիաներ, մասնավորապես դա մեր վերափոխած սպիտակուց պրոլակտանն է, պրոտեին պրոմոտերնումը, որոնք ապահովում են մեր արտադրանքի բարձր որակն ու արդյունավետությունը, նաև՝ շուկայում առաջատարի դերը»:

Հարցեր, պատասխաններ, մեկնաբանություններ